Pagtatalumpati (Kahalagahan ng ating mga Magulang)

       Kung minsan ba ay naiisip nyo kung gaano kahalaga ng ating mga magulang sa ating buhay? Alam ko na  hindi nyo kayang mabuhay ng walang kinalakihang magulang o maulila nang maaga sa kanila. Sa panahon ngayon maraming kabataan ang hindi na gumagalang sa kanilang magulang. Hindi na nila naisip kung gaano kapait ang naranasan nila noong tayo ay musmus pa lamang.

       May mga panahong napapaisip ako. Paano kaya kung lubos na mawala ang aking mahal na magulang ? Iniisip ko pa lang 'yun pero hindi ko na kaya. Mamimis ko talaga sila. Wala nang mag-aasikaso sa akin tuwing pupunta ako sa paaralan. Wala nang mag-aalaga at susuporta sa akin. Lalong-lalo nang wala nang magpapayo sa tuwing may problema ako. Diba ang hirap isipin kung wala nang gagawa sa atin ng ganitong bagay lalo na't nasanay tayo na ginagawa ito sa ating mga magulang.

       Kaya ngayon, dapat ipadama natin sa kanila ang ating pagmamahal habang kapiling pa natin sila. Iparama din natin kung gaano sila kahalaga at magpapasalamat din tayo sa lahat ng mga nakabubuting ginawa nila sa atin. Ginawa nila ang lahat nang kanilang pagsisikap upang mapaganda ang ating kinabukasan. Humingi tayo nang tawad sa mga kasalanang nagawa. Kailangan natin silang suklian at paglingkuran nang sobrang pagmamahal. Sabihin natin sa kanila na "wala pong makapapantay sa pag-aalaga niyo at mahal na mahal ko po kayo nay at tay" at malaking pasasalamat ko dahil kayo ang aking naging mga magulang. Mabilis ang panahon kaya tayong may mga magulang pa, hangga't maaga at kapiling pa natin sila, gawin na natin ang lahat na ikasasaya nila.